ABŞ İran təhlükəsinə görə Britaniyadakı daha bir hərbi bazadan təyyarələrini çıxarıb
Ezonn TV «APA» mənbəsinə istinadən xəbər verir.
ABŞ hərbçiləri İrandan qaynaqlanan təhlükə ilə əlaqədar Böyük Britaniyadakı daha bir hərbi hava bazasından təyyarələri köçürüblər. Bu barədə “The Wall Street Journal” məlumat yayıb. Qəzetin məlumatına görə, noyabrın 9-da ABŞ hərbçiləri İngiltərədəki RAF Mildenhall bazasında yerləşən təyyarələri Almaniyaya və digər məkanlara köçürüblər. Bazar ertəsi səhər saatlarında bazadan istifadə edən iki yanacaqdoldurma təyyarəsi Almaniyaya yönləndirilib, daha sonra isə bir neçə digər tanker təyyarəsi də başqa məkanlara aparılıb. Məlumata əsasən, RAF Mildenhall və yaxınlıqdakı RAF Lakenheath bazalarında təhlükəsizlik səviyyəsi ABŞ ordusunun FPCON Charlie adlanan yüksək hazırlıq səviyyəsinə qaldırılıb. Bu səviyyə kəşfiyyat məlumatlarının terror hücumu ehtimalının yüksək olduğunu göstərdiyi hallarda tətbiq edilir. Bununla belə, ABŞ rəsmiləri təhlükənin konkret xarakteri və onun nə dərəcədə təcili olması barədə açıqlama verməyiblər. Böyük Britaniya Müdafiə Nazirliyinin nümayəndəsi isə bildirib ki, digər ölkələrin hərbi fəaliyyətinə dair şərh vermirlər və təyyarələr əməliyyat ehtiyaclarına uyğun olaraq mütəmadi şəkildə yerlərini dəyişirlər. ABŞ İran təhlükəsinə görə Britaniyadakı daha bir hərbi bazadan təyyarələrini çıxarıb Əbu-Dabidə Rusiya, ABŞ və Ukrayna arasında danışıqlarda regional təhlükəsizlik müzakirə olunacaq Azərbaycan nefti 100 dollardan yuxarı ticarət olunub Filippində altı əcnəbinin olduğu özəl təyyarə qəzaya uğrayıb Baş konsul: İnanıram ki, Zəngəzur dəhlizinin açılması mənim fəaliyyətim dövrümə təsadüf edəcək Prezident İlham Əliyevin sosial şəbəkə hesablarında Ərdoğanın Azərbaycana səfəri ilə bağlı paylaşım edilib Naxçıvanda Atatürkün vəfatının ildönümü ilə bağlı anım tədbiri keçirilib "Bitcoin" nisbi bahalaşsa da, qiyməti 75 min dollardan aşağı olub ABŞ və Avropa fond bazarlarında əsas indekslər yüksəlib Qubada avtomobil dərəyə aşıb, bir nəfər ölüb, iki nəfər xəsarət alıb "Anthropic" şirkəti “Claude”dan qanunsuz istifadə edənlərdən 2,3 milyard dollaradək gəlir əldə etmiş ola bilər Hindistanda "iPhone" hissələri istehsal edən zavodda üç işçi ölüb Tramp: FTB “Nvidia” rəhbəri ilə bağlı casusluq iddialarını araşdırır