Rubio: Respublikaçıların seçkilərdəki məğlubiyyəti Trampın xarici siyasətinə təsir etməyəcək

Ezonn TV «APA» mənbəsinə istinadən xəbər verir. ABŞ dövlət katibi Marko Rubio Parisdə "Böyük yeddilik" (G7) ölkələrinin xarici işlər nazirlərinin görüşü keçirilərkən jurnalistlərə açıqlama verib. O, bildirib ki, ABŞ Prezidenti Donald Trampın xarici siyasəti Respublikaçıların seçkilərdəki məğlubiyyətinə baxmayaraq, hələ də dəyişməyəcək. Rubio, Vaşinqtonun İran və Rusiya-Ukrayna müharibələrinin diplomatik yollarla sona çatdırılması üçün səylərini davam etdirəcəyini vurğulayıb. Dövlət katibi qeyd edib ki, xarici siyasətin müəyyənləşdirilməsində əsas məsuliyyət prezidentə məxsusdur və Konqresin bu sahədəki rolu maliyyələşdirmə və nəzarət funksiyalarında məhdudlaşır. "Xarici siyasətin müəyyənləşdirilməsində bir nömrəli amil həmişə prezident olub və belə də qalacaq" – deyə Rubio əlavə edib. Rubio, Trampın İranla, eyni zamanda Rusiya və Ukrayna arasında müharibəyə son qoyma niyyətində olduğunu da ifadə edib. Bununla belə, ABŞ beynəlxalq arenada "Amerika hər şeydən əvvəl" prinsipinə əsaslanmağa davam edəcəyini qeyd edib.