Azərbaycan XİN Polşaya başsağlığı verib

Ezonn TV «Cebheinfo.az» mənbəsinə istinadən xəbər verir. Azərbaycan Xarici İşlər Nazirliyi, Polşanın Krakov şəhərində baş vermiş silahlı hücum nəticəsində insan tələfatı ilə əlaqədar başsağlığı bildirib. "Cebheinfo.az" xəbər verir ki, nazirlik bu barədə "X" sosial media hesabında paylaşım edib. Paylaşımda, "Polşanın Krakov şəhərində insan tələfatı və çoxsaylı yaralanmalarla nəticələnən silahlı hücum xəbərindən dərindən kədərləndik. Həlak olanların ailələrinə və yaxınlarına dərin hüznlə başsağlığı verir, yaralananlara tezliklə şəfa tapmalarını arzulayırıq. Bu çətin günlərdə düşüncələrimiz Polşa xalqı ilədir" ifadələri qeyd olunub. Qeyd edək ki, bu atışma nəticəsində 6 nəfər həlak olub, 10-a yaxın insan isə yaralanıb.