Moskvada KTMT XİN, MN və TŞ katiblərinin iclası: Ermənistan boykot etdi

Ezonn TV «Cebheinfo.az» mənbəsinə istinadən xəbər verir. Bu gün Moskva şəhərində KTMT ölkələrinin xarici işlər, müdafiə nazirləri və təhlükəsizlik şuraları katiblərinin iclası baş tutub. İclasin əsas mövzusu qlobal hərbi-siyasi vəziyyət, regional təhlükəsizlik və Rusiyanın bu ilki KTMT sədrliyinin prioritetlərinin həyata keçirilməsi olub. İclasın açılışında Rusiya xarici işlər naziri Sergey Lavrov nitq söyləyib. Qeyd edək ki, KTMT-yə üzv olan Ermənistan, Moskvadakı bu yüksək səviyyəli tədbiri yenidən boykot edib. Ermənistandan iclasa heç bir nümayəndənin qatılmadığı diqqətə çatdırılıb. Bu situasiya, Ermənistanın KTMT-dəki mövqeyinin getdikcə zəiflədiyinə işarə edir. Rusiya rəsmiləri və KTMT rəhbərliyi, Ermənistanın organizasiyadakı durumunun müzakirə edildiyi bir dövrdə, bu ölkənin KTMT-yə üzvlüyünün taleyinin gündəlik məsələlərdən biri olacağını açıqlayıblar. KTMT-nin baş katibi Taalatbek Masadılkov, Ermənistanın faktiki olaraq təşkilatdan çıxdığını vurğulayıb. O, Ermənistanın müzakirələrdə iştirak etmədiyini, təşkilatın əsas tədbirlərinə və hərbi təlimlərinə qatılmadığını qeyd edib. Eyni zamanda, Rusiya XİN-in sözçüsü Mariya Zaxarova, KTMT sammitində Ermənistana qarşı məhdudlaşdırıcı tədbirlərin müzakirəsinin istisna edilmədiyini bildirib. Bu isə, Ermənistanın gələcəkdə KTMT ilə olan münasibətlərinin pisləşməsinə səbəb ola bilər. Noyabrın 11-də isə Moskva şəhərində KTMT ölkələrinin dövlət başçılarının sammiti keçiriləcək.