C vitaminin soyuqdəymədə bu insanlara heç bir xeyri yoxdur - ARAŞDIRMA

Ezonn TV «Cebheinfo.az» mənbəsinə istinadən xəbər verir. Mütəmadi C vitamini qəbulu intensiv fiziki fəaliyyətlə məşğul olan insanlar üçün soyuqdəymə riskini təxminən yarıya endirə bilər. ABŞ və Böyük Britaniyadan olan həkimlərin araşdırmalarına əsasən, C vitamini əksər insanlarda infeksiyanın qarşısını almır, lakin xəstəliyin müddətini bir qədər qısalda bilər. Oregon Dövlət Universitetinin biokimya və biofizika professoru Adrian Qombart, tədqiqatların beşində bu təsirin aşkar edildiyini vurğulayıb. Bu, xüsusilə intensiv fiziki fəaliyyətə məruz qalan insanlar üçün doğrudur; bu durumda orqanizmin tənəffüs yolları infeksiyalarına daha həssas olduğu düşünülür. Alimlərin bildirdiyinə görə, müntəzəm C vitamini qəbulu soyuqdəyməyə qarşı heç bir təsir göstərmir; 11.000-dən çox insanı əhatə edən 29 tədqiqat bunun sübutunu ortaya qoyur. Bununla yanaşı, əvvəlcədən müntəzəm qəbul edilən C vitamini aktiv soyuqdəymə zamanı xəstəliyin şiddətini yüngülləşdirə bilər. Bir araşdırma nəticələrinə görə, bu müddəti böyüklərdə orta hesabla 8%, uşaqlarda isə 14% azaldır. Mütəxəssislər, C vitaminindən başqa digər əlavələrin də faydalarını araşdırıblar. 34 tədqiqatın icmalı göstərir ki, sink soyuqdəymənin müddətini təxminən iki gün qısalda bilər, amma bu məlumatların etibarlılığı aşağıdır. Həmçinin, yüksək dozada sink qəbulunun anemiya və zəifləmiş sümüklərlə əlaqəli ola biləcəyi qeyd edilib. Nəticə etibarilə, mütəxəssislər vurğulayır ki, heç bir əlavə soyuqdəymədən qorunma təmin etmir. Tam bir pəhriz isə infeksiya riskini azaltmağa kömək edə bilər.