Tarlaya qan və ət yağışı yağdı: dəhşətli hadisə haqqında nə məlumdur?

Ezonn TV «Lent.az» mənbəsinə istinadən xəbər verir. 1841-ci ildə ABŞ-ın Tennessi ştatında qeyri-adi bir hadisə baş verib: tütün tarlasına qan və heyvan əti parçaları yağışı düşüb. Bu olay, elm adamları üçün ciddi tədqiqat mövzusuna çevrilib, çünki tüfeyli qalıqların tarlaya necə düşməsi hələ də açıq qalıb. Hadisə, avqust ayında baş verib. İki kölə işçi Tennessi ştatının Livan şəhəri yaxınlığında tütün yığarkən ürküdücü bir səs eşidiblər. Güclü yağışın ardından bitkilərin yarpaqları qırmızı damcılarla örtülüb, üstündə isə ət və yağ parçaları görünüb. İşçilər çirklənmiş yarpaqları işəgötürənləri Çandlerə göstərdikdə, yerli sakinlər də bu qəribə vəziyyəti görmək üçün tarlada toplaşmağa başlayıblar. Xəbər yayıldıqca, canlı şahidlər tütün yarpaqlarının yuxarı hissələrini qırmızı ləkələrin örtüdüyünü və ət parçalarının kəskin çürümə qoxusu verdiyini bildiriblər. Uilyam F. Kuper öz gündəliyində bu qeyri-adi maddələrin təxminən 37-55 metr enində və 550-730 metr uzunluğunda bir ərazini əhatə etdiyini qeyd edib. Neşvil Universitetinin professoru Cerard Trast bu qalıqları araşdırıb və onların heyvan mənşəli olduğunu təsdiqləyib. O, parçaları və mayeni şüşə sınaq borusunda qızdıraraq, mal və donuz ətinə bənzər davranış nümayiş etdirdiklərini görüb. Professor, bunun arxasında güclü burulğanın olduğu ehtimalını irəli sürüb, çünki onun fikrincə, hava cərəyanı çürümüş heyvan qalıqlarını yuxarıdan qaldırmış ola bilər. Buna baxmayaraq, 1841-ci ilin oktyabr ayında "Western Journal of Medicine and Surgery"də hadisənin saxtakarlıq olduğu iddia edilib. İki kölə işçisinin əyləncə məqsədilə çürümüş donuz qalıqlarını tarlaya səpdiyini etiraf etdiyi, ancaq bu iddianı dəstəkləyəcək dəlilin olmadığı bildirilir. Eyni zamanda, 1876-cı ildə Kentukki ştatında meydana gələn oxşar hadisə Ginnesin Rekordlar Kitabına daxil edilib.