Makron cütlüyü amerikalı podkastçı Kendis Ouensə qarşı yeni iddia qaldırıb

Ezonn TV «Cebheinfo.az» mənbəsinə istinadən xəbər verir. Fransa Prezidenti Emmanuel Makron və onun həyat yoldaşı Bricit Makron, amerikalı podkast aparıcısı Kendis Ouensə qarşı yeni bir iddia irəli sürüblər. Bu barədə K.Ouens, "X" sosial şəbəkəsində məlumat yayıb. Həmçinin, Makron cütlüyünün nümayəndəsi də yeni iddianın qaldırıldığını təsdiqləyib. Bundan əvvəl, 2025-ci ilin iyul ayında, Makron cütlüyü Ouens və onunla bağlı iki şirkətə qarşı birinci iddia qaldırmışdı. Onlar podkastçını "yalanla dolu qlobal alçaltma kampaniyası" aparmaqda günahlandırmışdı. Bu ilk iddiada, Ouensin Fransanın birinci xanımının "kişi olaraq doğulduğu" barədəki iddiaları da qeyd olunmuşdu. Yeni iddia isə K.Ouensin, Bricit Makronu təsvir edən bir gəlinciyi istifadə etməsi ilə əlaqədardır. Məhkəmə sənədinə əsasən, Makron cütlüyü gəlinciyi "gülünc" adlandıraraq, Ouensin bu vasitə ilə xanım Makronun xarici görünüşünü ələ salmaq niyyətində olduğunu bildirib. Oktyabrın sonunda Delaverdəki hakim, Tennessi ştatında yaşayan K.Ouens üzərində yurisdiksiyaya malik olmadığını qərara alıb. Lakin Makron cütlüyü, Ouensin özü ilə deyil, onunla əlaqəli olan şirkətləri məhkəməyə vermək imkanını qoruyub saxlayıb.