Türkiyə, Azərbaycan, Gürcüstan və Bolqarıstan arasında elektrik kabeli layihəsi

Ezonn TV «Axar.az» mənbəsinə istinadən xəbər verir. Azərbaycan, Gürcüstan, Bolqarıstan və Rumıniya arasında Qara dənizin dibi ilə elektrik kabelinin çəkilməsi layihəsi müzakirə edilir. Bu məlumatı Türkiyənin energetika və təbii sərvətlər naziri Alparslan Bayraqdar, Antalyada jurnalistlərə açıqlayıb. Bayraqdar, regional enerji bərabərliyinin artırılması mövzusuna diqqət çəkərək, ölkələrin daha çox elektrik enerjisi şərqdən qərbə, şimaldan cənuba daşınması üçün əməkdaşlıq etdiklərini bildirib. Bu məqsədlə, Türkiyə elektrik enerjisi interkonnektorlarının gücünü 5,4 giqavatdan 15 giqavata qədər artırmağı planlaşdırır. Nazir, Azərbaycan, Türkiyə, Gürcüstan və Bolqarıstan arasında imzalanmış təmiz enerji sahəsində strateji tərəfdaşlıq haqqında hökumətlərarası sazişin əhəmiyyətini vurğulayıb. O, qonşu ölkələrlə əlaqələrinin inkişaf etdirilməsi istiqamətində səylərin davam etdiriləcəyini əlavə edib. Bayraqdar, yeni meqa enerji bağlantı layihələri üçün müxtəlif ölkələrlə danışıqlar apardıqlarını açıqlayıb. Türkiyənin gündəmində Səudiyyə Ərəbistanı, İordaniya, Suriya və Avropa ilə elektrik sistemlərinin inteqrasiyasına yönəlmiş digər layihələrin olduğu da qeyd edilib.