Putin Ermənistana qapını göstərir: Paşinyan bu tarixdə KTMT-dən qovulur?

Ezonn TV «Musavat.com» mənbəsinə istinadən xəbər verir. Ermənistanla Kollektiv Təhlükəsizlik Müqaviləsi Təşkilatı (KTMT) arasında gərginlik davam edir. Rusiyanın təşəbbüsü ilə Ermənistana aid səsvermə hüququnun müvəqqəti dayandırılması məsələsi noyabrın 11-də Moskva şəhərində keçiriləcək KTMT Kollektiv Təhlükəsizlik Şurasının iclasında gündəmə gətiriləcək. Moskva, Ermənistanın iki ildən çoxdur üzvlük haqlarını ödəmədiyini və təşkilatın fəaliyyətsizliyini bu addımın səbəbi kimi irəli sürür. KTMT-nin nizamnaməsinin 25-ci maddəsi, üzv dövlətlərin öhdəliklərini uğursuzluqla yerinə yetirdiyi halda səsvermə hüquqlarının məhdudlaşdırılmasını nəzərdə tutur. Ermənistanın bu qərara münasibəti diqqət çəkir. Baş nazir Nikol Paşinyan noyabrın 5-də KTMT-yə marağı tükəndiklərini bildirərək, təşkilatdan kənarlaşdırılmağa etiraz etməyəcəyini qeyd edib. 2024-cü ildən Ermənistanın KTMT-də iştirakını dondurmağı planlaşdırdığını açıqlayan Xarici İşlər Naziri Ararat Mirzoyan, təşkilata geri dönməyin mümkün olmadığını vurğulayıb. Rusiya XİN-in baş nazir müavini Aleksandr Pankin, Ermənistanın öz qərarlarının məsuliyyətini KTMT-nin üzvlərinə yıxmağa çalışdığını bildirərək borclar ödənilmədiyi müddətcə səsvermə hüququnun dayandırılacağını açıqlayıb. Lakin hələlik Ermənistanın təşkilatdan tam olaraq çıxarılmasından söhbət getmir. Siyasi analitik Asif Nərimanlı, bu addımın Ermənistandan mərkəzi Rusiyaya doğru bir dönüş olduğunu bildirib. Onun fikrincə, Ermənistanın Avropadan siyasi dəstək alması Rusiya üçün bir təzyiq nöqtəsi olmuş və İrəvanın KTMT-dən uzaqlaşmasını sürətləndirmişdir. Nərimanlı, Ermənistanın Rusiya ilə Avropa arasında qarşıdurma meydançasına çevrilməsinin regionun təhlükəsizliyinə təsir edə biləcəyini qeyd edib.