Putin KTMT-nin zirvə toplantısını harada keçirəcək? - Mühüm sənədlər imzalanacaq

Ezonn TV «Publika.az» mənbəsinə istinadən xəbər verir. Çərşənbə günü Rusiya Prezidenti Vladimir Putinin sədrliyi ilə Kollektiv Təhlükəsizlik Müqaviləsi Təşkilatının (KTMT) Kollektiv Təhlükəsizlik Şurasının sessiyası Moskvada baş tutacaq. Kreml mətbuat xidməti bu haqda məlumat yayıb. Görüşün gündəliyində iştirakçı dövlətlər arasında çoxtərəfli əməkdaşlığın dərinləşdirilməsi, eləcə də alyansın kollektiv təhlükəsizlik sisteminin təkmilləşdirilməsi müzakirə olunacaq. Təşkilata üzv ölkələrin liderləri, həmçinin beynəlxalq və regional əhəmiyyətli çağırışlar və təhdidlərlə bağlı məsələləri müzakirə etməyi planlaşdırırlar. İclasın sonunda bir sıra mühüm sənədlərin imzalanması gözlənilir. Bunlar arasında 2030-cu ilədək olan dövrü əhatə edən KTMT-nin yeni antiterror strategiyası və sammitin yekun bəyannaməsi yer alır. Ayrıca, Tacikistan Respublikasına KTMT-yə sədrlik səlahiyyətlərinin 2027-ci ilin yanvarının 1-dən etibarən verilməsi qərarı da təsdiqlənəcək. Daha əvvəl Belarus Prezidenti Aleksandr Lukaşenko, Vladimir Putinlə bir neçə məsələnin müzakirə olunacağını bildirmişdi. Dövlət başçılarının danışıqları KTMT Kollektiv Təhlükəsizlik Şurasının iclasından əvvəl, çərşənbə axşamı Moskvaətrafı Novo-Oqaryovo iqamətgahında baş tutub.