Bu gün Antalyada COP31 Liderlər Zirvəsi keçiriləcək

Ezonn TV «Naxçıvan Xəbərləri» mənbəsinə istinadən xəbər verir. Bu gün Antalya şəhərində Türkiyə Prezidenti Rəcəb Tayyib Ərdoğanın rəhbərliyi ilə COP31 Liderlər Zirvəsi gerçəkləşəcək. Zirvədə BMT-nin Baş katibi Antonio Quterreşin və 95 ölkədən 102 liderin iştirakı planlaşdırılır. Zirvə çərçivəsində açılış mərasimində Prezident Ərdoğan, Türkiyənin iqlim strategiyası və baxışını təqdim edəcək. Həmçinin, BMT-nin Baş katibi Antonio Quterreş və COP31-in sədri, ətraf mühit, şəhərsalma və iqlim dəyişikliyi naziri Murat Kurum da iştirak edərək çıxış edəcəklər. Proqramın xüsusi məqamlarından biri Türkiyənin yeddi bölgəsinin xalq rəqslərini vahid xoreoqrafiya ilə təqdim edən "Anadolu Ateşi" rəqs qrupunun çıxışı olacaq. Bu çıxış iştirakçılara yerli mədəniyyəti tanıtmaq məqsədini güdür. Daha sonra zirvədə Türkiyənin COP31-in əsas mesajı kimi irəli sürdüyü "Tətbiq COP-u" konsepsiyasını əks etdirən xüsusi bir film nümayiş etdiriləcək. Bununla yanaşı, zirvənin rəsmi mahnısı "Let's COP" da dünya liderlərinə təqdim ediləcək.