Venesuela ABŞ-nin neft nəhəngi ilə razılaşdı

Ezonn TV «Cebheinfo.az» mənbəsinə istinadən xəbər verir. Venesuela, 2007-ci ildən bu yana ölkəni tərk edən ABŞ-nin neft nəhəngi “ExxonMobil” ilə razılaşma memorandumu imzalayıb. Bu hadisə paytaxt Karakasda baş tutub, imzalanma mərasimində Venesuelanın müvəqqəti dövlət başçısı Delsi Rodriqes və “ExxonMobil” şirkətinin Upstream bölməsinin rəhbəri Den Ammann iştirak ediblər. Delsi Rodriqes qeyd edib ki, bu memorandumu imzalamaq, ABŞ-ın neft sektorunda önəmli şirkətlərindən biri olan “ExxonMobil”ın Venesuelaya geri dönməsi ilə bağlı aylardır davam edən danışıqlardan sonra atılan mühüm bir addımdır. O, bu razılaşmanın milyardlarla barel ehtiyata malik neft yataqlarını əhatə etdiyini vurğulayıb. Rodriqes, “ExxonMobil”in bu əməliyyatları həyata keçirmək üçün lazım olan imkanlar, texnologiya və investisiya potensialına sahib olduğuna inandığını bildirib. Həmçinin, bu anlaşmanın tezliklə konkret razılaşmalara çevriləcəyinə ümid etdiyini qeyd edib. Den Ammann isə imzalanan sənədin, şirkətin Venesuelaya qayıdışını təmin etmək istiqamətində atılan ilk mühüm addım olduğunu vurğulayıb. O, Venesuelanın zəngin təbii resursları ilə “ExxonMobil”in unikal imkanlarının birləşməsinin bütün tərəflər üçün faydalı olacağını qeyd edib.