Saatlıq əməkhaqqı aylıq maaşdakı tarifdən — Yüksək müəyyən ediləcək

Ezonn TV «Qafqazinfo» mənbəsinə istinadən xəbər verir. Azərbaycanın əmək bazarında yeni dəyişikliklər gözlənilir. Əmək və əhalinin sosial müdafiəsi naziri müavini Zaur Əliyev, Milli Məclisdə keçirilən iclasda, əmək müqavilələrindəki müvafiq əlavələrin müzakirəsi zamanı saatlıq əməkhaqqının aylıq maaşdakı tarifdən yüksək müəyyən edilməsi təklifini irəli sürüb. Əliyev, qısamüddətli əmək müqavilələrinin, natamam iş vaxtı rejimlərinin və çevik məşğulluq formalarının bir çox sahələrdə geniş yayılmasının, minimum əməkhaqqına yanaşmanın yenidən nəzərdən keçirilməsini tələb etdiyini vurğulayıb. Bu dəyişikliklərin, əmək bazarının tələblərinə cavab vermək məqsədini güdür. Yeni təklifin mahiyyətini izah edən Əliyev, layihənin müəyyən sahələrdə bir aydan az müddətə bağlanan əmək müqavilələrini və həftəlik iş müddəti 20 saat və ya daha az olan işçilərin saatlıq əməkhaqqısını nəzərdə tutduğunu qeyd edib. Bu sistemin tətbiq olunacağı fəaliyyət sahələrinin isə Nazirlər Kabineti tərəfindən müəyyən ediləcəyini bildirib. İlkin mərhələdə kənd təsərrüfatı istehsalı və ictimai iaşə sahələrinin bu sistemin tətbiqinə cəlb olunması planlaşdırılır. Naşir müavini bildirib ki, təklif olunan dəyişiklik, minimum əməkhaqqı institutunun daha çevik və şəffaf tətbiqinə imkan yaradacaq, habelə beynəlxalq təcrübənin ölkəmizdə tətbiqini asanlaşdıracaq.