XTQ zabiti Eltürk Rzabəyli Prezidentlərin diqqətini çəkdi

Ezonn TV «Manset.az» mənbəsinə istinadən xəbər verir. 8 Noyabr - Zəfər Günü çərçivəsində Prezident İlham Əliyev və Rəcəb Tayyib Ərdoğan arasında baş tutmuş səmimi söhbət zamanında Xüsusi Təyinatlı Qüvvələrin zabiti Eltürk Rzabəyli diqqət çəkdi. Onun görüntüləri geniş maraq doğurdu və sosial mediada müzakirələrə səbəb oldu. Eltürk Rzabəyli Sumqayıt şəhərində anadan olmuşdur. O, Azərbaycan ordusunda Xüsusi Təyinatlı Qüvvələrin (XTQ) mayoru olaraq xidmət edir. Rzabəylinin xidməti, xüsusilə 44 günlük Vətən Müharibəsi zamanı önəmli hadisələr ilə yadda qaldı. 6 il əvvəl müharibədə kapitan rütbəsi ilə iştirak edən zabit, Kəlbəcər rayonunun işğaldan azad edilməsi üçün həyata keçirilən əməliyyatlarda göstərdiyi igidliklə seçildi. Döyüşlərdə Eltürk Rzabəyli düşmənə qarşı şücaət nümayiş etdirərək üç dəfə güllə və qəlpə yaraları aldı. Ancaq hər dəfə müalicə aldığı müddətdə xidmətini yarımçıq qoymadan döyüşə geri döndü. Bu, onun vətənpərvərlik ruhunu daha da qabardıb. Müharibə başa çatdıqdan sonra Prezident İlham Əliyev tərəfindən Eltürk Rzabəyli “Qarabağ” və “Azərbaycan Bayrağı” ordenləri ilə, eyni zamanda “Kəlbəcərin azad olunmasına görə” medalı ilə təltif edildi. Prezidentin dediyi kimi, Eltürk, “düşmənə dərs verən” qəhrəmanlardandır. Hazırda Eltürk Rzabəyli mayor rütbəsində xidmətini davam etdirir və Azərbaycan xalqının qürur qaynağıdır.