Rusiya və Ukrayna genişmiqyaslı əsir mübadiləsi barədə razılığa gəlib

Ezonn TV «APA» mənbəsinə istinadən xəbər verir. Rusiya və Ukrayna arasında genişmiqyaslı hərbi əsir mübadiləsi ilə bağlı razılıq əldə edilib. Bu barədə Rusiya Prezidentinin köməkçisi Vladimir Medinskiy Əbu-Dabidə keçirdiyi brifinqdə məlumat verib. O, mübadilənin konkret parametrlərinin yaxın vaxtlarda açıqlanacağını bildirib. Danışıqlar zamanı Avropanın təhlükəsizlik sistemi mövzusu müzakirə edilib. Medinskiy qeyd edib ki, bu sistemin bütövlükdə təkmilləşdirilməsinə ehtiyac var. “Sadəcə plastırla düzəltmək mümkün deyil”, - deyə o vurğulayıb. Medinskiy, dünya ölkələrinin maraqlarını zərər vermədən bir ədalətli təhlükəsizlik sisteminə ehtiyac duyduğunu da ifadə edib. Rusiya Prezidentinin köməkçisi, avropalıların hələ də hər hansı konkret təklif irəli sürmədiklərini, Avropa ilə danışıqların statusunun aydın olmadığını açıqlayıb. Bundan əlavə, Medinskiy ABŞ Prezidenti Donald Trampın nümayəndələrini də “səmimi və effektiv insanlar” adlandıraraq, onlara minnətdar olduqlarını bildirib. O, avropalıların ABŞ nümayəndələrindən realizmi və sülhə can atmağı öyrənmələrinin faydalı olacağını da əlavə edib.