Nizami Kino Mərkəzinin divarlarına qraffiti çəkən Belarus vətəndaşının məhkəməsi başlayır

Ezonn TV «APA» mənbəsinə istinadən xəbər verir. Bakı şəhərinin mərkəzində yerləşən Nizami Kino Mərkəzinin divarlarına qraffiti çəkən Belarus vətəndaşı Ardeshir Seyfpour Saad Abadinin cinayət işi üzrə istintaq tamamlanıb. Cinayət işi artıq Bakı Ağır Cinayətlər Məhkəməsinə göndərilib. İşin araşdırılması hakim Babək Pənahovun rəhbərliyi altında həyata keçiriləcək. Qeyd edək ki, hadisə aprelin 1-dən 2-nə keçən gecə baş verib; həmin gecə Nizami Kino Mərkəzinin binası cızma-qara ilə vandalizmə məruz qalmışdı. Məsələnin araşdırılması zamanı məlum olub ki, qraffiti çəkən şəxslər içərisində Ardeshir Seyfpour Saad Abadi də daxil olmaqla, 3 məktəbli var. 2006-cı ildə İranda doğulan və 2024-cü ildən Azərbaycanda yaşayan Abadi, ADA Universitetinin II kurs tələbəsidir. Ardeshir Seyfpour Saad Abadi Cinayət Məcəlləsinin 246.4.3-cü maddəsi ilə ittiham olunub. Bu maddəyə əsasən, o, mədəni sərvətləri qəsdən korlamaqda günahlandırılır. Həbs qətimkan tədbiri də onun barəsində seçilib.