Kreml Paşinyanı cəzalandırmağı TƏXİRƏ SALIR

Ezonn TV «Cebheinfo.az» mənbəsinə istinadən xəbər verir. Kollektiv Təhlükəsilik Müqaviləsi Təşkilatına (KTMT) üzv ölkələrin liderlərinin Moskva sammitində Ermənistanın alyansda səsvermə hüququnun dondurulması məsələsi diqqət mərkəzində olub. Müzakirələrin gündəliyində 2030-cu ilə qədər terrorizmə qarşı mübarizə planları yer alsa da, Ermənistanın KTMT-dən çıxarılması ilə bağlı şayiələr daha çox maraq doğurmuşdu. Ermənistanın KTMT-dən çıxarılması haqqında iddialar səslənsə də, Rusiyanın xarici işlər naziri Sergey Lavrov bununla bağlı məlumatları təkzib edib. Təşkilatın rəhbər orqanlarının səsvermə hüququnun dondurulması və maliyyə öhdəliklərini yerinə yetirmədikdə mümkündür. Aydın olur ki, Ermənistan 2024-cü ildən başlayaraq üzvlük haqqını ödəməyəcəyini bildirib ki, bu da onun səsvermə hüququnu itirməsinə gətirib çıxarır. KTMT-nin nizamnaməsinin 19-cu və 20-ci maddələri çərçivəsində, bir ölkənin könüllü olaraq alyansdan çıxması yalnız altı ay əvvəl verilmiş ərizəyə bağlıdır. Ermənistan bu ərizəni təqdim etmədiyindən, üzvlük prosesini davam etdirmək niyyətindədir. Beləliklə, Rusiya Ermənistana qarşı sərt tədbirlərdən çəkinə bilər, çünki müzakirələrdə təşkilatın bütövlüyü üçün bu, narahatlıqlar doğurur. Təşkilatın nizamnaməsinin 25-ci maddəsinə əsasən, öhdəliklərini yerinə yetirməyən üzv ölkənin kvota vəzifələrinə namizədliyi dayandırılır. Ermənistan isə KTMT-də sədrlik rotasiyasını itirmiş vəziyyətdədir, belə ki, təşkilatın maliyyə öhdəliklərini yerinə yetirmədiyi üçün Ermənistandan namizəd irəli sürülməsi mümkünsüz olacaq. Nikol Paşinyan hökumətinin bu cür qərarları, müstəqil təhlükəsizlik strategiyası yürütmək məqsədilə İrəvanın KTMT-dən uzaqlaşmasının əlamətləridir.