Özünü islam respublikası elan edən İranın müsəlman dünyasına İrəvan xəyanəti

Ezonn TV «Bizim.Media» mənbəsinə istinadən xəbər verir. İran İslam Respublikası, İrəvandakı Göy məsciddə erməni şairi Yeqişe Çarentsin büstünün yerləşdirilməsi təşəbbüsünü dəstəkləyərək özünü ifşa edib. Bu addım, İslam dininin prinsiplərinə zidd olan bütpərəstliyin təşviqi kimi şərh olunur. İslam dininin bütpərəstliyə qarşı mübarizəsi Qurani-Kərimdə açıq şəkildə əksini tapır. Məsələn, Həcc surəsinin 30-cu ayəsində “bütlərin murdarlığından uzaq olun” əmr edilir. İranın ali dini rəhbərlərinin fətvaları da canlı varlıqların heykəllərinin məscidlərdə yerləşdirilməsini haram hesab edir, bu isə İranın özündə tətbiq edilən sərt dini qaydalarla ziddiyyət təşkil edir. Həmçinin, İranın vitse-prezidenti Seyid Həmid Purməhəmmədinin İrəvana səfəri zamanı Göy məsciddə keçirilən tədbirdə iştirak etməsi də diqqət çəkir. Belə görünür ki, bu məscid mədəniyyət tədbirləri üçün seçilərkən İranın tarixi mədəni irsini ifadə edən abidə olmasının əhəmiyyəti bir kənara atılıb. Göy məscid, 1766-cı ildən bəri İrəvan xanlığının memarlıq irsinin mühim nümunəsi kimi tanınır. Bu abidənin tarixi mənsubiyyəti, onun yalnız İran mədəniyyəti ilə deyil, eləcə də Azərbaycanın tarixi ilə bağlı olduğunu nümayiş etdirir. İran hakimiyyətinin bu cür addımları, ölkənin tarixi-mədəni irsini təhrif etmək məqsədini güdür. İravandakı hadisələr İran rejiminin iki cür standart tətbiq etdiyini bir daha üzə çıxarır. Azərbaycan mədəni irsinə qarşı olan bu yanaşma, İslamın prinsiplərinə zidd addımlar atmaqla görünən ikili münasibəti ifadə edir.