Kartof sahələrində xəstəliklərin əsas səbəbi dərmanların təsirsiz olmasıdır? - VİDEO

Ezonn TV «Xəzər Xəbər» mənbəsinə istinadən xəbər verir. Cəlilabadda payızlıq kartof sahələrində yayılan xəstəliklər fermərlərin ciddi problemlərlə qarşılaşmasına səbəb olub. Rayonun əksər ərazilərində kartof kolları quruyaraq məhv olur, bu isə fermerlərin aylarla çəkdikləri zəhmətin hədər getməsi deməkdir. Fermerlərin bəziləri, kartof sahələrindəki xəstəliklərin yayılmasının əsas səbəbi olaraq istifadə etdikləri dərman preparatlarının təsirsizliyini göstərirlər. Bu problemin onların maddi vəziyyətinə mənfi təsir etdiyi bildirilib. Digər tərəfdən, xəstəliklərdən mühafizə ola bilən fermerlərin də olduğu qeyd olunub. Mütəxəssislər, fermerlərin əksəriyyətinin bitkilərin becərilməsi zamanı peşəkar məsləhət və nəzarətdən çox, öz təcrübələrinə üstünlük verdiklərini vurğulayıblar. Bu, problemlərin daha da dərinləşməsinə şərait yarada bilər. Eyni zamanda, payızlıq kartofun yazlıq kartofdan fərqli olaraq havaların daha soyuq və rütubətin artdığı dövrdə əkildiyi də mühüm faktordur. Aşağı temperatura və yüksək rütubətə malik mühit, xəstəliklərin inkişafı üçün əlverişli şərait yaradır. Xezerxeber.az müvafiq məsələ ilə bağlı daha ətraflı videomaterial təqdim edir.