Viktor Orbanın qardaşı həbs edildi

Ezonn TV «Yeniçağ» mənbəsinə istinadən xəbər verir. Macarıstanda keçmiş baş nazir Viktor Orbanın qardaşı Aron Orban həbs edilib. Budapeşt Şəhər Məhkəməsində keçirilmiş prosesdə məhkəmə, Aron Orbanın bir ay müddətinə həbs edilməsinə qərar verib. Bu barədə rəsmi nümayəndə Gerqö Bozo məlumat verib. Məhkəmə, Aron Orbanın “nüfuz alveri”ndə və qanunsuz miqrasiyaya kömək etməkdə şübhəli olduğunu açıqlayıb. Məhkəmənin qərarının bir hissəsi olaraq, onun şəriklərindən birinin də həbs edildiyi, digərinin isə ev dustaqlığına göndərildiyi bildirilir. Dördüncü şəxs isə sərbəst buraxılıb. Gerqö Bozo bildirib ki, məhkəmə, bütün fiqurantlar barədə şübhələrin əsaslı olduğunu qeyd edib. O, şübhəlilərin gizlənmə potensialını və ədalət mühakiməsindən boyun qaçırma cəhdini nəzərə alıb. Həmçinin, cinayətlərin ağırlığı və mümkün cəzanın sərtliyi də qiymətləndirilib. İstintaqın versiyasına görə, Aron Orban və tərəfdaşları, Vyetnam vətəndaşlarının Macarıstanın səfirlikləri vasitəsilə Şengen vizası almasına kömək etməklə onların Avropaya köçməsini təmin ediblər. Ehtimallara görə, 2024-cü ildə bu xidmətlərdən 100-dən çox şəxs yararlanıb. Aron Orban noyabrın 9-da saxlanılıb. O, ifadə verib, lakin özünü təqsirli saymadığını bildirib. Viktor Orban isə bu işi siyasi təqib kimi qiymətləndirib və hakimiyyətin rəqiblərini aradan qaldırmağa çalışdığını iddia edib.