Macarıstanda sabiq Baş nazirin qardaşı həbs edilib

Ezonn TV «APA» mənbəsinə istinadən xəbər verir. Macarıstanda sabiq Baş nazir Viktor Orbanın kiçik qardaşı, iş adamı Aron Orban barəsində Budapeşt Şəhər Məhkəməsi tərəfindən bir aylıq həbs qətimkan tədbiri seçilib. O, nüfuz alverində və qanunsuz miqrasiyaya yardım etməkdə ittiham olunur. Məhkəmə nümayəndəsi Gergö Bozo, bu hadisə ilə bağlı daha bir şərikin həbs olunduğunu, digər bir şəxsin isə ev dustaqlığına göndərildiyini qeyd edib. Dördüncü şübhəli isə sərbəst buraxılıb. Bunlar, müstəntiqlərin apardığı araşdırmalar nəticəsində ortaya çıxıb. İstintaqın məlumatlarına əsasən, Aron Orban və onun biznes tərəfdaşları, Vyetnam vətəndaşlarının Avropaya köçməsinə yardım edərək pul qazandıqları iddia edilir. Onların Macarıstan xarici ölkələrdəki səfirliklərindən istifadə edərək Şengen vizalarının alınmasına yardım göstərdikləri bildirilib. Eyni zamanda, məlum olub ki, 2024-cü ilin əvvəlinə qədər bu yolu seçən 100-dən çox şəxsə qanunsuz xidmət göstərilib. Qeyd edək ki, Aron Orban, digər üç nəfərlə birgə noyabrın 9-da saxlanılıb.