Heqsetin impiçment cəhdinin uğursuzluğu demokratlar arasında fikir ayrılığı yaradıb

Ezonn TV «APA» mənbəsinə istinadən xəbər verir. ABŞ-da müdafiə naziri Pit Heqsetə qarşı impiçment prosedurunun başlanmasına dair cəhdin uğursuzluğu Demokratlar Partiyasında ciddi narazılıq yaradıb. Bu barədə "The Wall Street Journal" qəzeti məlumat yayıb. Məlumata görə, uğursuzluqdan sonra Demokratlar bir-birilərini günahlandırmağa başlayıb və partiya daxilindəki birliksizliklə bağlı narazılıqlarını dilə gətiriblər. Müsbət nəticə əldə edə bilmək üçün səsverməyə 11 demokratın qatılmadığı bildirilib. Onların səsləri, nəticəyə əhəmiyyətli dərəcədə təsir göstərə bilərdi. Konqresmen Visente Qonsales, partiyadakı məyusluğu vurğulayaraq, belə mühüm məsələlərdə bütün üzvlərin səsvermədə iştirak etmələrinin zəruriliyini qeyd edib. Qeyd edək ki, ABŞ Nümayəndələr Palatası Heqsetin impiçmenti ilə bağlı qətnaməni müzakirə üçün müvafiq komitəyə göndərib. Lakin komitədə respublikaçılar çoxluq təşkil etdiyindən, təşəbbüsün qəbul olunması faktiki olaraq bloklanıb.