Rusiyanın ABŞ-dəki səfiri qəfil öldü – Moskva ölümün səbəbini açıqladı

Ezonn TV «Musavat.com» mənbəsinə istinadən xəbər verir. Rusiyanın ABŞ-dəki fövqəladə və səlahiyyətli səfiri Aleksandr Darçiyev 66 yaşında vəfat edib. Onun ölümü, Moskva ilə Vaşinqton arasında münasibətlərin həssas mərhələyə qədəm qoyduğu bir dövrə təsadüf edir. Rusiya Xarici İşlər Nazirliyi bu xəbəri noyabrın 11-də rəsmi şəkildə açıqlayıb. İlkin açıqlamada ölümün səbəbi qeyd edilməsə də, sonradan Rusiya XİN-in rəsmi nümayəndəsi Mariya Zaxarova, Darçiyevin Moskvada xroniki xəstəlik səbəbindən dünyasını dəyişdiyini bildirib. Ancaq konkret hansı xəstəlikdən əziyyət çəkdiyi hələ də açıqlanmayıb. Zaxarova, mərhumun ailəsinin kədərinə hörmətlə yanaşmağa dəvət edib. ABŞ Dövlət Departamenti də Darçiyevin vəfatına reaksiya verərək, onun ailəsinə başsağlığı verib. Amerika tərəfi, ölümün detalı ilə bağlı sualların Rusiya hökumətinə ünvanlanmasını tövsiyə edir. Aleksandr Darçiyev 1959-cu ildə anadan olub. 1983-cü ildən siyasi karyerasına başlayan diplomat, ABŞ və Kanada ilə olan münasibətlərin inkişafında mühim rol oynamışdır. Əvvəlcə Rusiya Xarici İşlər Nazirliyində müxtəlif vəzifələr tutmuş, 2014-2021-ci illərdə isə Kanadadakı səfir kimi fəaliyyət göstərmişdir. 2025-ci ildə prezident Vladimir Putin tərəfindən ABŞ-dəki səfir təyin edilib. O, həmçinin Donald Trampın müddəti boyunca Moskva ilə Vaşinqton arasındakı diplomatik təmasların bərpasında əhəmiyyətli rol oynamışdır. 2025-ci ilin fevralında İstanbulda keçirilən Rusiya–ABŞ danışıqlarında iki ölkənin diplomatik nümayəndəliklərinin fəaliyyətinin normallaşdırılması məsələlərini müzakirə etmişdir. Ölümü ilə bağlı vida mərasiminin vaxtı və yeri Rusiya XİN tərəfindən əlavə olaraq bildirilecek.