Keçmiş nişanlısından qurtulmaq üçün falçıya 300 min pul verdi

Ezonn TV «Musavat.com» mənbəsinə istinadən xəbər verir. Bakı Apellyasiya Məhkəməsində falçı kimi təqdim olunaraq dələduzluq etməkdə ittiham olunan Şərəf Əli-Zadənin barəsindəki məhkəmə prosesi başa çatıb. Məhkəmə İsmayıl Məmmədovun şikayətinə baxıb ki, o, keçmiş nişanlısından qurtulmaq üçün falçıya müraciət edərək 300 min manat ödəyib. Şərəf Əli-Zadə 2023-cü ilin fevral ayından 2024-cü ilin dekabr ayınadək dövrü əhatə edən zaman aralığında İsmayıl Məmmədova aid bir çox vədlər vermişdir. O, müştərisini sevdiyi xanımla ailə quracağına inandıraraq, onu keçmiş nişanlısından uzaqlaşdıracağını bildirərək pullarını ələ keçirmişdir. Həmçinin, falçı, İsmayıl Məmmədovun işdə yüksəlməsinə yardım edəcəyini və onun tanışının xəstəlikdən sağalmasına kömək edəcəyini də vəd edib. İddialara görə, bu müddətdə Şərəf Əli-Zadə İsmayıl Məmmədovdan 302 894 manat pul alaraq, zərərçəkmişə ciddi maddi ziyan vurub. Faktla bağlı cinayət işi açılıb və Şərəf Əli-Zadə Cinayət Məcəlləsinin 178.3.2 maddəsi ilə dələduzluqda təqsirli bilinərək, həbs olunub. Bakı Ağır Cinayətlər Məhkəməsi tərəfindən ona 7 il azadlıqdan məhrum etmə cəzası verilmişdir.