İranda Netanyahuya bənzəyən satıcının BAŞI DƏRDDƏ - VİDEO

Ezonn TV «Musavat.com» mənbəsinə istinadən xəbər verir. Tehranın bir çərəz mağazasında çalışan satıcının İsrailin baş naziri Benyamin Netanyahuya bənzəməsi səbəbindən yerli sakinlər arasında narazılıq yaranıb. Bu Hadisə çərəzçinin sosial şəbəkələrdə yayılan görüntüləri ilə gündəmə gəlib. "Azad Iran"a istinadən, istifadəçilər satıcının üz cizgiləri, saç düzümü və mimikalarının Netanyahuya aşırı şəkildə bənzədiyini xəbər veriblər. Bu oxşarlıq, İran və İsrail arasında davam edən gərginliklə birləşərək, bəzi sakinlərin satıcıya qarşı etiraz etməsinə səbəb olub. Beləliklə, bir qrup insan, satıcının mağazasından alış-veriş etməkdən imtina edib və onun fəaliyyətinə boykot çağırışları həyata keçirib. Bu vəziyyət, sosial mediada müzakirələrə yol açıb. Buna baxmayaraq, bəzi istifadəçilər bu oxşarlığı qərəzsiz qəbul edərək, maraqdan dolayı mağazanın adresini öyrənməyə çalışıb. Digərləri isə satıcının Netanyahuya bənzəməsi ilə bağlı müxtəlif zarafatlar paylaşmağı üstün tutublar. Bu hadisə, cəmiyyət üçün əyləncə mənbəyinə çevrilsə də, eyni zamanda, siyasi gərginliyin gündəlik həyatda necə əks olunduğunu nümayiş etdirir.