Natiq Əliyevin qızından şikayətçi olan generalın kimliyi açıqlanıb

Ezonn TV «Yeniçağ» mənbəsinə istinadən xəbər verir. Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyeva ilə bağlı yeni məlumatlar ortaya çıxıb. Onun şikayətçisi olanlardan biri tanınmış Ceyhun Rzayevdir. Qafqazinfo.az-a istinadla verilən xəbərə görə, Ceyhun Rzayev Azərbaycan Respublikasının Minatəmizləmə Agentliyi (ANAMA) İdarə Heyəti sədrinin müavinidir. Ceyhun Rzayev və digər zərərçəkmişin şikayətləri əsasında Türkər Əliyeva şübhəli şəxs kimi tutulmuşdur. Türkərin vəkili Hikmət Əliyev, müvəkkilinin ittihamlarını qəbul etmədiyini və zəruri sübutları təqdim edəcəyini bildirmişdir. Hazırda Türkər prokurorluqda ifadə verməkdədir, lakin onun barəsində hələlik məhkəmə qərarı yoxdur. Maraqlıdır ki, Türkər Əliyeva tanınmış bir mediatordur. Ceyhun Rzayev isə uzun illər ləğv edilmiş Milli Təhlükəsizlik Nazirliyində (MTN) çalışıb. Məsələ ilə bağlı daha ətraflı məlumatların gəlməsi gözlənilir.