Dünya qiyamətə hazırlaşır: Noyabrın 17-də sınaq keçiriləcək

Ezonn TV «Musavat.com» mənbəsinə istinadən xəbər verir. ABŞ-da noyabrın 17-də keçiriləcək ümummilli fövqəladə xəbərdarlıq sistemi sınağı ərəfəsində Avropa ölkələri vətəndaşlarına hazırlıq tövsiyələri təqdim edir. Bu sınaq saat 07:20-də Bakı vaxtı ilə başlayacaq və radio, televiziya yayımlarına bir dəqiqəlik test mesajı göndəriləcək. Böyük Britaniya, Norveç və Almaniya kimi ölkələr öz vətəndaşlarına müəyyən müddət ərzində ehtiyaclarını müstəqil şəkildə qarşılamağı tövsiyə edirlər. Böyük Britaniyada vətəndaşlardan üç gün, Norveçdə isə bir həftəlik, Almaniyada isə 10 günlük ərzaq və tələbat malları ehtiyatı toplamağı istənilir. Bu tədbirlər, mümkün fövqəladə hallara hazırlığı artırmaq məqsədini güdür. ABŞ Federal Fövqəladə Halların İdarə Edilməsi Agentliyi (FEMA) və Federal Rabitə Komissiyası (FCC) sınağın məqsədini sistemin texniki işini yoxlamaq olaraq açıqlayıb. Mesajda əhalidən hər hansı addım atmaları xahiş edilmir. Bununla belə, mobil telefonlara göndərilən simsiz xəbərdarlıq bildirişləri bu sınaqda iştirak etmir. Avropa Komissiyası isə noyabrın 3-də böhranların ilk 72 saatına hazırlıqla bağlı yeni təlimatlar təqdim edib. Bu təlimatlar, vətəndaşların fövqəladə vəziyyətin tələblərinə uyğun müstəqil şəkildə hazırlıqlı olmalarını hədəfləyir. Həmin təlimatlarda məktəblərdə hazırlıq təlimlərinin genişləndirilməsi, fövqəladə hallar çantasının hazırlanması və əlilliyi olan şəxslərin ehtiyaclarının göz önündə saxlanılması da yer alır. Böyük Britaniya hökuməti, gündəlik xidmətlərdə yaranan fasilələrə qarşı ailələri hazırlıqlı olmağa çağırır. Norveç rəsmiləri də bildirir ki, müharibə ehtimalı ilə yanaşı, ekstremal hava hadisələri və digər fövqəladə hallara qarşı da hazırlıqlı olmaq vacibdir.