Vilayət Eyvazov Gəncədə vətəndaş qəbulu və sıra baxışı keçirib

Ezonn TV «APA» mənbəsinə istinadən xəbər verir. Daxili işlər naziri Vilayət Eyvazov noyabrın 11-də və 12-də Gəncə Şəhər Baş Polis İdarəsində vətəndaş qəbulu keçirib. İki gün ərzində 379 vətəndaş müxtəlif məsələlərlə bağlı müraciət edib. Nazir əvvəlcə Gəncə şəhərində ümummilli lider Heydər Əliyevin abidəsini ziyarət edib. Daha sonra isə vətəndaşların müraciətlərini dinləmək üçün Baş Polis İdarəsinin inzibati binasına toplanmışdır. Müraciətlərin əksəriyyəti yerindəcə həll olunub, qalanları isə müvafiq nəzarətə götürülüb. İctimai məmnunluğun artırılması məqsədilə Nazirliyin aidiyyəti baş idarə və idarə rəislərinə konkret tapşırıqlar verilib. Eyni zamanda, nazir Vilayət Eyvazov polis və daxili qoşunlarda xidmət etmək istəyən gənclərin sıra baxışını da keçirib. Bu baxış zamanı 461 nəfər xidmətə qəbul şərtlərinə uyğun olaraq seçim turunun növbəti mərhələsinə buraxılıb. Bu tədbirlər vətəndaşların hüquqlarının qorunması və onlara xidmətin keyfiyyətinin artırılması məqsədinə xidmət edir.