İlham Əliyev Dublində Zelenski ilə görüşdü – Foto - Video

Ezonn TV «Bizim.Media» mənbəsinə istinadən xəbər verir. Azərbaycan Respublikasının Prezidenti İlham Əliyev, İrlandiyanın Baş naziri Mixol Martinin və Avropa İttifaqı Şurasının Prezidenti Antonio Koştanın dəvəti ilə İrlandiyada səfərdədir. Səfər çərçivəsində noyabrın 12-də Dublində Ukrayna Prezidenti Volodimir Zelenski ilə görüş baş tutmuşdur. Görüşdə Prezident Zelenski, İlham Əliyevi Zəfər Günü və 12 noyabr - Konstitusiya Günü münasibətilə təbrik edib. İkilinin arasında, ölkələr arasında iqtisadi-ticari əlaqələrin inkişaf perspektivləri müzakirə olunmuşdur. O cümlədən, özəl sektor vasitəsilə iqtisadi əlaqələrin genişləndirilməsi, nümayəndə heyətlərinin qarşılıqlı səfərləri barədə fikir mübadiləsi aparılmışdır. Zelenski, Azərbaycanın Ukraynaya göstərdiyi humanitar yardımlar, xüsusilə elektrik avadanlıqlarının təchizatı üçün dəstəyə görə Prezident Əliyevə təşəkkürünü bildirib. Eyni zamanda, Qarabağ və Şərqi Zəngəzurda postmünaqişə şəraitində həyata keçirilən bərpa işlərinin Ukrayna tərəfindən izlənildiyi vurğulanmışdır. İki ölkənin dövlət başçıları daha bir sıra qarşılıqlı maraq doğuran məsələlər ətrafında müzakirələr apararaq əməkdaşlığın perspektivlərini dəyərləndirmişlər.