İsraildə Netanyahu erası başa çatır

Ezonn TV «Yeniçağ» mənbəsinə istinadən xəbər verir. İsrailin siyasi arenasında əhəmiyyətli dəyişikliklər baş vermək üzrədir. Prezident İshaq Hersoqun hökumətin formalaşdırılmasını Qadi Ayzenkota həvalə etməsi, həmçinin ərəb partiyalarının ona dəstək verməsi, ölkədə yeni bir dövrün başlanğıcını göstərir. Bu fikirləri politoloq Məhəmməd Əsədullazadə Yenicag.az-a açıqlamasında səsləndirib. M.Əsədullazadə qeyd edib ki, İsraildə keçirilən Knesset seçkilərinin nəticələrinə əsasən, Baş nazir Binyamin Netanyahunun rəhbərlik etdiyi blok, digər siyasi qüvvələrə nisbətən bir qədər üstünlük əldə etsə də, hökuməti formalaşdırmaq üçün 61 mandatı təmin edə bilmir. Netanyahunun blokunun mandat sayı 54-də qaldığı halda, “Yaşar” Partiyasının lideri Qadi Ayzenkot 48 mandat əldə edib. Bununla yanaşı, ərəb partiyalarının Ayzenkota dəstək verməsi vəziyyəti əhəmiyyətli dərəcədə dəyişdirir. Ayzenkotun siyasi dəstəyi 67 mandata çataraq, onun hökuməti formalaşdırma imkanı artırır. M.Əsədullazadə, Ayzenkotun baş nazir postuna keçidinin artıq Netanyahu erası başa çatır mesajını verdiyini bəyan edib. Yeni hökumətin daxili və xarici siyasətində dəyişikliklərin, o cümlədən diplomatik yanaşmalara üstünlük verilməsinin mümkün olduğunu vurğulayıb. Siyasi analitiklərin fikrincə, Ayzenkot, Netanyahu ilə müqayisədə diplomatiyaya daha çox ağırlıq verəcək. Bu, İsrailin beynəlxalq imicinin yaxşılaşdırılması və regionda gərginliyin azaldılması baxımından əhəmiyyətli ola bilər. Ümumiyyətlə, Prezident Hersoqun Ayzenkota hökumət formalaşdırmasını tapşırması, İsrail siyasətində yeni bir mərhələnin başlanğıcı kimi qiymətləndirilir.