Əməkhaqqı ilə bağlı 200 milyon manatlıq təklif: Nələr dəyişəcək?

Ezonn TV «Musavat.com» mənbəsinə istinadən xəbər verir. Milli Məclisin İqtisadi siyasət, sənaye və sahibkarlıq komitəsinin iclasında minimum əməkhaqqısının gəlir vergisindən azad olunması təklifi irəl sürüldü. Deputat Vüqar Bayramov, bu addımın aşağı əməkhaqqı alan vətəndaşların sosial təminatını gücləndirə biləcəyini vurğulayıb. Vüqar Bayramov qeyd etdi ki, əksər ölkələrdə minimum əməkhaqqı vergidən azaddır və Azərbaycanın da bu təcrübədən faydalanması zəruridir. Hazırda minimum əməkhaqqı 400 manatdır və gəlirlərin vergiyə cəlb olunması arzuolunan deyil, çünki, bu, həmin vətəndaşların sosial durumunu ağırlaşdırır. Təklifə əsasən, minimum əməkhaqqının vergidən azad olunması ilə büdcəyə təsirin 200 milyon manat civarında olması gözlənilir. Deputat bildirib ki, bu məbləği digər mənbələrlə kompensasiya etmək mümkündür. Deputat, eyni zamanda, qeyd edib ki, özəl sektorda gəlir vergisi hazırda 3 faiz, gələcəkdə isə 5 faiz olacaq. Bu artım, minimum əməkhaqqısından tutulacaq verginin də artacağı deməkdir. Beləliklə, minimum əməkhaqqı həcmindəki məbləğin vergidən azad edilməsi, həmçinin digər vətəndaşların real gəlirlərini də əhəmiyyətli dərəcədə artıracaqdır.