Fernando Muslera karyerasını bitirir

Ezonn TV «APA» mənbəsinə istinadən xəbər verir. “Qalatasaray”ın sabiq qapıçısı Fernando Muslera, futbolçu karyerasını başa vurmağı planlaşdırır. Hal-hazırda Argentinanın “Estudiantes” klubunda çıxış edən tanınmış qolkiper, Libertadores Kubokunun final görüşündən sonra futbolu tərk etməyə hazırlaşır. Musleranın karyerasını başa vuracağı tarix noyabrın 28-dir. Bu gündə o, Braziliyanın “Palmeyras” klubuna qarşı keçiriləcək həlledici qarşılaşmaya çıxa biləcək. Oyun Uruqvayın paytaxtı Montevideodaki “Sentenario” stadionunda baş tutacaq. Fernando Muslera “Estudiantes”in finala yüksəlməsində böyük rol oynayıb. O, yarımfinalda “Flamenqo” ilə qarşılaşmada penaltilər seriyasında 3 zərbəni dəf edərək komandasının qələbəsinə bu şəkildə yardım edib. Bu, onun son böyük uğurlarından biri olub. Muslera, 2011–2025-ci illərdə “Qalatasaray”da karyerasını davam etdirib və bu müddət ərzində 8 dəfə Türkiyə çempionu adını qazanıb. Onun karyerasındakı bu dövr, futbol dünyasında müstəsna bir yer tutub.