Lənkəranda zəhərlənən şəxslər ata, ana və 7 övladı imiş - YENİLƏNİB

Ezonn TV «Manset.az» mənbəsinə istinadən xəbər verir. Lənkəran rayonunda qidadan zəhərlənmə şübhəsi ilə xəstəxanaya müraciət edən şəxslərin kimliyi müəyyən edilib. Onlar 38 yaşlı Sadiq Niftullayev, həyat yoldaşı 31 yaşlı Camalə Niftullayeva və onların azyaşlı 7 övladıdır. Beləliklə, ailənin zəhərlənməsindən sonra xəstəxanaya düşənlərin sayı 10-a yüksəlir. Ailə üzvləri səhər saatlarında Lənkəran Rayon Mərkəzi Xəstəxanasına müraciət edərək tibbi yardım istəyiblər. Tibb müəssisəsindən verilən məlumata görə, onlara ilkin tibbi yardım göstərilmiş, lakin ailə müalicədən imtina edərək xəstəxananı öz istəkləri ilə tərk ediblər. Sadiq Niftullayev, həyat yoldaşı və uşaqları üçün eyni palatada yerləşməyi və tibbi xidmətin öz nəzarəti altında həyata keçirilməsini tələb edib. Ailənin müalicədən imtina etməsi ilə bağlı müvafiq akt da tərtib olunmuşdur. Eyni gündə Lənkəran Rayon Mərkəzi Xəstəxanasına müraciət edən 11 nəfər rayon sakininin zəhərlənmə diaqnozu ilə müayinə olunduğu bildirilib. Onlardan 3-ü azyaşlıdır. İlkin məlumata görə, zəhərlənmə faktı qida istehlakı ilə bağlıdır. Hazırda hadisənin səbəblərinin araşdırılması məqsədilə müvafiq orqanlar tərəfindən tədbirlər görülür. Hadisə ilə bağlı çıxacaq nəticələr hələlik məlum deyil.