Putini “ölümsüz” etmək istəyən kimdir: Öz qızı və...

Ezonn TV «Cebheinfo.az» mənbəsinə istinadən xəbər verir. Dünya mediasında yayılan xəbərlərə görə, Rusiya Prezidentini "ölümsüz" etmək məqsədilə xüsusi bir vaksin hazırlanır. Bu tədqiqatlar Mariya Vorontsovanın, Putinin böyük qızının rəhbərliyi altında həyata keçirilir. Rusiya Elmlər Akademiyasının Kurçatov İnstitutunda, Mixail Kovalçukun başçılığı ilə yaşlı meymunlar üzərində aparılan elmi tədqiqatlar, insanların ömrünün uzadılması yollarını tapmağa yönəlib. Kovalçuk, Moskvada keçirilən Kurçatov Genom Forumunda bu məlumatları açıqlayıb. Məlumata görə, Vorontsovanın bu layihədəki məqsədi insan ömrünü 85-90 yaşına qədər uzatmaq, sonrakı mərhələdə isə daha da artırmaqdır. Milyardlarla dollar dəyərindəki dövlət layihəsi çərçivəsində, “qocalma əleyhinə vaksin” hazırlanması və insan orqanlarının donuzlarda yetişdirilməsi öyrənilir. Vorontsova, Moskva Dövlət Universitetinin tibbi elmi-təhsil institutuna rəhbərlik edir. Həmçinin, ABŞ-ın sanksiya siyahısına saldığı şəxslərdən biridir. Rəsmi Vaşinqton, onun genetik tədqiqatların idarəsində mühüm rol oynadığını bildirir. Tədqiqatlar Rusiya dövləti tərəfindən maliyyələşdirilir və Putinin birbaşa nəzarətindədir. Bu ilin oktyabr ayında Vorontsova, “Skolkovo” forumunda insan ömrünün uzadılması ilə bağlı strategiyalarını təqdim edib. Birinci mərhələdə sağlam vərdişlərin formalaşdırılması tövsiyə edilir. İkinci mərhələdə isə onun sözlərinə görə, "Allahı və ya təbiəti aldatmaq" mövcuddur. Putinin liderliyi altında, 2024-cü ilin fevralında “Sağlamlığın qorunmasının yeni texnologiyaları” adlı milli layihənin başlayacağı bildirilib. Bu layihəyə 24,23 milyard ABŞ dolları ayrılıb. Rusiyalı alimlər, 2030-cu ilə qədər 175 min insanın həyatını xilas etməyi hədəfləyən tədqiqatlar üzərində çalışır. Hal-hazırda Rusiyada kişilərin orta ömür uzunluğu təxminən 68 ildir.