ABŞ-də neft hasilatı rekord həddə çatdı

Ezonn TV «Yeniçağ» mənbəsinə istinadən xəbər verir. ABŞ-də noyabrın 6-da başa çatan həftə ərzində neft hasilatı sutkada 14,013 milyon barelə çataraq əvvəlki rekordunu təzələyib. Bu məlumat ABŞ-nin Energetika İnformasiyası İdarəsinə (EIA) istinadən yayımlanıb. Ötən həftəki göstəricilərlə müqayisədə hasilat 10 min barel artmışdır. İlihəni müqayisə etdikdə, ötən ilin eyni dövründə neft hasilatı sutkada 13,862 milyon barel təşkil edirdi. Son dörd həftə üzrə ortalama hasilat isə 13,819 milyon barelə yüksəlmişdir. EIA-nın noyabrın 10-da açıqladığı qısamüddətli enerji proqnozuna əsasən, ABŞ-də 2026-cı il üçün orta gündəlik neft hasilatı proqnozu 13,87 milyon bareldən 13,86 milyon barelə endirilmişdir. Lakin 2027-ci il üzrə proqnoz dəyişməz qalmışdır. Qurumun gözləntisinə görə, gələn il ABŞ-də neft hasilatı sutkada 14,3 milyon barelə çataraq yeni illik rekord müəyyənləşdirəcək.