Dünya fond bazarlarında qarışıq dinamika

Ezonn TV «APA» mənbəsinə istinadən xəbər verir. Noyabrın 12-də dünya fond bazarlarında qarışıq dinamika qeydə alındı. ABŞ-da bütün əsas indekslər ucuzlaşdı, Avropada müsbət dəyişikliklər baş verib, Asiya-Sakit okean regionunda isə fərqli istiqamətlərdə dəyişikliklər müşahidə olundu. ABŞ fond bazarlarında “Dow Jones” indeksi 189,40 bənd (0,36%) azalaraq 52 297,09 bəndə çatdı. “S&P 500” indeksi 26,98 bənd (0,35%) geriləyərək 7 592,40 bəndə, “Nasdaq Composite” indeksi isə 100,10 bənd (0,39%) azalarak 25 366,09 bənd oldu. “NYSE Composite” indeksi 0,74% düşərək 24 466,97 bənd, Kanadanın “S&P/TSX Composite” indeksi 0,75% geriləyərək 36 137,20 bənd təşkil etdi. Avropada isə fond bazarlarında əsasən müsbət dinamika baş verdi. “Euro Stoxx 50” indeksi 0,09% artaraq 6 398,98 bəndə, Böyük Britaniyanın “FTSE 100” indeksi 0,25% yüksələrək 10 863,09 bəndə çatdı. Almaniyanın “DAX” indeksi 0,41% artaraq 26 771,88 bənd, Fransanın “CAC 40” indeksi 0,34% yüksələrək 8 361,36 bənd oldu. Lakin İspaniyanın “IBEX 35” indeksi 0,31% azalaraq 19 965,50 bəndə enib. Asiya-Sakit okean regionunda qarışıq göstəricilər müşahidə olundu. Yaponiyanın “Nikkei 225” indeksi 434,14 bənd (0,71%) artaraq 61 253,50 bəndə çatdı, “TOPIX” indeksi isə 0,19% yüksəlmə ilə 3 944,94 bənddə dayandı. Lakin Honq-Konqun “Hang Seng” indeksi 0,95% azalaraq 23 780,58 bəndə, Çinin “CSI 300” indeksi isə 0,05% geriləyərək 4 042,05 bəndə düşdü. Avstraliyanın “S&P/ASX 200” indeksi 0,62% azalaraq 9 090,00 bənd oldu. Analitiklərin şərhinə görə, ABŞ-da indekslərin enişinə “Nvidia” səhmlərinin ucuzlaşması və süni intellekt sektorundakı qeyri-müəyyənlik səbəb olub. Avropada isə şirkətlərin müsbət maliyyə nəticələri və enerji qiymətlərinin əvvəlki səviyyələrdən aşağı olması yüksəlişi dəstəkləmişdir. Mənbə: APA -Economics