Volqoqradda “Lukoyl”un zavoduna dron hücumu olub - VİDEO

Ezonn TV «Cebheinfo.az» mənbəsinə istinadən xəbər verir. Noyabrın 13-nə keçən gecə Rusiyanın Volqoqrad vilayətinin cənubunda yerləşən “Lukoyl” şirkətinə aid neft emalı zavoduna kütləvi dron hücumu edilib. Bu barədə vilayətin qubernatoru Andrey Boçarov məlumat verib. Hücuma bağlı olaraq qubernator Yanğınlar baş verdiyini bəyan edib. Dron hücumunun doğurduğu yanğınların lokal olduğu və əhalinin təhlükəsizliyi baxımından ciddi bir risk yaratmadığı bildirilir. Eyni zamanda, Ukrayna mediasının verdiyi xəbərlərdə, hücum nəticəsində Volqoqrad neft emalı zavodunda baş verən yanğınlardan söz edilib. Bu zavod, “Lukoyl” şirkətinə məxsus olan və 1957-ci ildən fəaliyyət göstərən Rusiyanın ən iri neft emalı müəssisələrindən biridir. Daha ətraflı məlumatın hələlik əldə edilmədiyi vurğulanır. Dron hücumlarının artması, münaqişə bölgəsindəki vəziyyətin gərginliyinin davam etdiyini bir daha göstərir.