Nazir ona sərt xəbərdarlıq edən əsgəri mükafatlandırdı - VİDEO

Ezonn TV «Musavat.com» mənbəsinə istinadən xəbər verir. ABŞ-nin müdafiə naziri Pit Heqset, Arlinqton Milli Qəbiristanlığında Veteranlar Günündə sükut qaydalarını pozanlara xəbərdarlıq edən əsgər Tomas İqlesiası mükafatlandırıb. Hadisənin baş verdiyi vaxt Heqsetin həyat yoldaşı və müşavirləri abidə qarşısında şəkil çəkdirərkən, gülüş və danışıq səsləri eşidilib. Bu vəziyyətə dərhal reaksiya verən əsgər İqlesias, ziyarətçilərə yaxınlaşaraq sərt şəkildə nizam-intizamı xatırladıb. O, "Bütün ziyarətçilər hər zaman sükut və hörmət mühitini qorumalıdırlar" deyərək diqqətləri bu məsələyə cəlb edib. Mediada görüntülərin yayımlanmasının ardından Pentaqon əsgərin xidmətini təqdir edərək, onun öz vəzifəsini düzgün şəkildə yerinə yetirdiyini bəyan edib. Bununla yanaşı, Pit Heqset, İqlesiası və onun xidmət etdiyi bölmənin üzvlərini Pentaqona dəvət edərək, onlara "Birgə Xidmət Tərif Medalı" təqdim edib. Mükafatlandırma mərasimindən sonra Heqset, sosial media hesabında əsgərin prinsipial mövqeyini təqdir edərək, "Biz əsgərləri sevirik. Biz standartları sevirik. Afərin. Xidmətinizə davam edin, vətənpərvərlər" ifadələrini işlədib.