Deputat partiya qərargahında "AgroVoice" layihəsinin müəllifi ilə görüşüb

Ezonn TV «Cebheinfo.az» mənbəsinə istinadən xəbər verir. Bugün Milli Cəbhə Partiyasının (MCP) qərargahında deputat Razi Nurullayev, "AgroVoice" layihəsinin müəllifi Sehranə Kazımlını atası ilə birlikdə qəbul edib. Görüşdə layihənin məqsədi, fermerlə alıcı arasında vasitəçisiz bir əlaqə yaratmaq olduğu qeyd edilib. Bu platforma, fermerlərin öz məhsullarını təqdim etməsinə və alıcılarla birbaşa qiymət razılaşması etmələrinə imkan tanıyır. Razi Nurullayev, layihənin sadə, lakin vacib ideyası ilə tanış olub. O, platformanın fermerlərin daha ədalətli qiymətlərlə məhsul satmalarına, alıcıların isə daha münasib şərtlərlə alış etmələrinə kömək edəcəyini bildirib. Bu çərçivədə, fermerlərin texnologiyadan istifadə etməsinin heç də çətin olmadığını vurğulayıb. Deputat, AgroVoice layihəsinin hətta yazıb-oxumaq bacarığı olmayan fermerlər üçün belə əlçatan olduğunu ifadə edib. O, bununla yanaşı, ölkədə aqrar sahənin inkişafına yönəlmiş yeni dövlət proqramlarının fəaliyyətini də xatırladıb. Nurullayev, bu cür təşəbbüslərin proqramın hədəflərinə, xüsusilə də rəqəmsallaşma və fermerlərin gəlirlərinin artırılmasına töhfə verəcəyinə inanır. Deputat, dövlətin bu cür yerli innovativ layihələrə dəstək verməsinin önəmini vurğulayıb. Onun fikrincə, bu layihələr yalnız gənc sahibkarların uğuru deyil, eyni zamanda fermerlərin və istehlakçıların maraqlarına xidmət edir. O, gənc təşəbbüskar Sehranə Kazımlıya uğurlar arzulayıb və belə layihələrin həyata keçirilməsinə dəstək olmağın əhəmiyyətini xatırladıb.