Deputat Elm və Təhsil Nazirliyini tənqid etdi

Ezonn TV «Axar.az» mənbəsinə istinadən xəbər verir. Milli Məclisin deputatı Elnarə Akimova, məktəb dərsliklərindəki məzmun qüsurlarını və texniki problemləri əsas gətirərək Elm və Təhsil Nazirliyini tənqid edib. Deputat, bununla yanaşı, aidiyyəti qurumların bu qüsurlara reaksiya verməməsini ciddi nəzarət boşluğu kimi qiymətləndirib. Deputat, parlamentin Elm və Təhsil Komitəsinin bugünkü iclasında “Azərbaycan Respublikasının 2027-ci il dövlət büdcəsi haqqında” qanun layihəsinin müzakirəsi zamanı təhsilə ayrılan vəsaitlərin gələcəyimiz üçün olan əhəmiyyətini vurğulayıb. O, uşaqlar üçün lazımi şəraitin yaradılmasının vacibliyini qeyd edib. Elnarə Akimova, son dövrlərdə mətbuatda məktəb dərsliklərinin vəziyyətinin müzakirə olunduğunu, cəmiyyətin bu məsələyə narahat olduğunu bildirib. “Valideynlər, müəllimlər və mütəxəssislər həyəcan təbili çalırlar”, – deyə o vurğulayıb. Deputat, aidiyyəti qurumların, xüsusilə Elm və Təhsil Nazirliyinin bu tənqidlərə reaksiya verməli olduğunu, mövcud problemlərin həllinə dair konkret planların ortaya qoyulmasının zəruri olduğunu qeyd edib. O, daha sonra vurğulayıb ki, dərsliklərin hazırlanması və nəşri üçün ayrılan büdcə vəsaitlərinin şəffaflığının təmin edilməsi vacibdir. Akimova əlavə edib ki, dərsliklərin qiymətləndirilməsi üçün ekspertiza komissiyasının yaradılmasına ehtiyac var. Bu komissiyaya ictimaiyyətin, alımların və mütəxəssislərin cəlb olunması, məzmunun keyfiyyətinə ciddi nəzaret edilməsini təmin edəcək. Son olaraq, o, cəmiyyətin narahatlıqlarının düzgün qiymətləndirilməsinin vacib olduğuna diqqət çəkib.