“Zolotaya Korona” Rusiyadan Gürcüstana pul köçürmələrini bərpa edib

Ezonn TV «Banker.az» mənbəsinə istinadən xəbər verir. Rusiyanın “Zolotaya Korona” beynəlxalq pul köçürmələri sistemi, təxminən dörd ay davam edən fasilədən sonra Gürcüstana pul göndərmə xidmətini bərpa edib. Hal-hazırda köçürmələr yalnız ölkənin ən iri bankı olan “TBC Bank” vasitəsilə həyata keçirilir. Noyabrın 12-də "Kommersant" nəşri bu məlumatı dərc edib. Yeni qaydalara uyğun olaraq, Rusiyadan göndərilən vəsaitlər Gürcüstanda “TBC Bank”ın filiallarında nağd olaraq əldə edilə bilər ya da birbaşa bank hesabına köçürülə bilər. Lakin digər banklar vasitəsilə pul köçürmələri hələlik mümkün deyil. Daha əvvəl “Zolotaya Korona” köçürmələrini “Bank of Georgia”, “Credo Bank” və bir sıra mikromaliyyə təşkilatları vasitəsilə əldə etmək mümkün idi. Xatırladaq ki, 2026-cı ilin iyulunda Avropa İttifaqının tətbiq etdiyi sanksiyalar səbəbindən ödəniş sistemi Gürcüstana, Qazaxıstana və bir neçə digər ölkəyə pul göndərmələrini dayandırmışdı. Sanksiyalar, sistemin operatoru olan “RNKO Platyojnıy Sentr” təşkilatına yönəldilmişdi. Noyabrın 12-də “TBC Bank”ın nümayəndələri, “Zolotaya Korona” vasitəsilə pul köçürmələrinin bərpa olunduğunu təsdiq ediblər. Lakin bu, Gürcüstanda xidmətin bərpasının digər ölkələr üçün də köçürmələrin tam bərpa edildiyi anlamına gəlmədiyini vurğulayıblar.