Razi Nurullayev bir qrup startapçı ilə görüşüb - FOTOLAR

Ezonn TV «Cebheinfo.az» mənbəsinə istinadən xəbər verir. Milli Cəbhə Partiyasının sədri və deputat Razi Nurullayev, iki həftə öncə SABAH.city düşərgəsində tanış olduğu gənc startapçılarla görüş keçirib. Görüşün məqsədi, istedadlı gənclərin layihələrini dinləmək və onların fəaliyyətlərini aidiyyəti qurumlarla paylaşmaq olub. Razi Nurullayev, sosial şəbəkə hesabında qeyd edib ki, həmin görüşdə startapçılara hər birinin layihəsi haqda ayrıca qəbul edəcəyinə söz verib. O, bu gənclərə dəstək olacağını və onların fəaliyyətləri ilə yaxından maraqlanacağını bildirib. Görüşdə “SentiaHub” komandasının təsisçiləri olan Rufulla Feyzullazadə, Tural Cəfərov və Xətai Əliyev də iştirak edib. Bu komanda süni intellekt vasitəsilə zənglərin, səsyazmalarının, videoların və mətnlərin real vaxt rejimində təhlili, müştəri emosiyalarının müəyyənləşdirilməsi və risklərin vaxtında aşkarlanması istiqamətində innovativ bir platforma hazırlayıb. Razi Nurullayev, artıq bir bankın bu layihə ilə maraqlandığını və yaxın zamanda görüş keçirəcəklərini vurğulayıb. Eyni zamanda, xidmət sahəsində fəaliyyət göstərən dövlət qurumları ilə də əlaqələrin qurulması planlaşdırılır. Nurullayev, gənc startapçılara uğurlar arzulayaraq, onların layihələrinin dəstəklənməsi üçün əlindən gələni edəcəyini bildirib.