Azərbaycanda lizinq şirkətinə yeni səhmdar daxil olub

Ezonn TV «Banker.az» mənbəsinə istinadən xəbər verir. Azərbaycanda lizinq fəaliyyəti ilə məşğul olan 'Legion Financial' ASC-nin səhmdar tərkibində dəyişiklik baş verib. Sabirə Ramiz qızı Cahangirova şirkətə yeni səhmdar kimi daxil olub. O, 700 səhmə sahibdir ki, bu da şirkətin nizamnamə kapitalının 1,69%-ni təşkil edir. 2026-cı ilin 10 sentyabr tarixində açıqlanan səhmdar bölgüsündə Cahangirovanın adı yer almayıb. O vaxta qədər Belarus vətəndaşı Konstantin Kolasın payı 6,29% göstərilmişdi, lakin oktyabr ayında bu göstərici 4,60%-ə enib. Bu azalma, yeni səhmdarın sahibləndiyi 1,69% paya uyğundur. Lakin, səhmlərin ötürülmə mexanizmi və əməliyyatın dəqiq tarixi hələ açıqlanmayıb. Hazırda 'Legion Financial' ASC-nin altı səhmdarı var. Şirkətin səhmlərinin 37,53%-i Turan İsmayılova, 32,69%-i Ramin Süleymanlıya, 13,32%-i Böyükağa Məmmədova, 10,17%-i Rövşən Soltanova, 4,60%-i Konstantin Kolasa, 1,69%-i isə Sabirə Cahangirovaya məxsusdur. İki ən böyük səhmdar birlikdə şirkətin 70,22%-inə nəzarət edir. 'Legion Financial' ASC 2020-ci ildən fəaliyyət göstərir və avtomobil lizinqi, lombard kreditləri və faktorinq sahələrində çalışır. Şirkət 2026-cı ilin ilk yarısında 470,1 min manat xalis mənfəət əldə edib ki, bu da əvvəlki ilə nisbətən 35,9% azdır. İyunun sonuna aktivlərin 17,9% artaraq 22,47 milyon manata, öhdəliklərin isə 15,9% artaraq 17,02 milyon manata çatdığı bildirilib. Şirkətin ümumi kapitalı 5,45 milyon manatdır.